~Hunyo 21, 1890~
Sakayan ng Tren- San Felipe
“Hindi dapat natin hinayaan na maiwanan ang Kuya Tiago nang ganoon na lamang ang kalagayan niya,” ani ni Felimona na ngayon ay nakatingin sa bintana ng kalesa habang unti-unti na itong pinapahinto ni Fidel.
“Patawad Senyora Felimona ngunit tama ang Senyor Santiago na marapat na tayong umalis bago pa man tayo maabutan ng mga tauhan ng iyong ama,” paliwanag ni Fidel na siyang dahilan upang unti-unti nga ngayong ibinaling ni Felimona ang tingin niya sa kaniya.
“Bakit hindi mo na lamang ako hinayaan na gawin ang gusto ko na hindi iwanan ang kuya Tiago?” tanong ngayon ni Felimona habang nakatingin ng diretso sa mga mata ng binata. “Dapat kasi hindi ka na lamang nangialam.”
At ito nga ang siyang naging dahilan upang mapaiwas ngayon ng tingin si F
