~Hunyo 22, 1890~
Batangas
“Lola Ursula?” tawag ngayon ni Felimona sa matanda nang makarating siya sa kusina upang kumuha ng maiinom na siyang sanhi ng kaniyang paggising sa kalagitnaan ng madaling-araw. “Lolo Baste?”
“I—iha, gising ka na pala rine,” saad nga ngayon ni Baste na siya ngang tumayo mula sa pagkakaupo katulad ni Ursula.
“Naalimpungatan lang ho ako at naparito nga po ako upang sana makakuha ng maiinom,” sagot ng dalaga na siyang dahilan para agaran nga siyang tinulungan ngayon ni Baste sa pagkuha ng tubig sa garapon nilang gawa sa luwad.
Nang matapos nang makainom si Felimona ay sabay ngang nagtinginan ang dalawang mag-asawa at tinanguan ang isa’t isa.
“Iha—“
“Nga po pala Lola Ursula nais ko rin po sana kayong makausap ng masinsinan patungkol sa bagay na napag-usapan nati
