~Hunyo 22, 1890~
Maynila
Unti-unting tumigil sa tapat ng isang malaking mansyon na napapalibutan ng mga gwardiya sibil ang magarbong kalesa kung saan nakasakay ngayon si Rafael.
“Buenas noches Señor Rafael, (Magandang Gabi Senyor Rafael)” bati sa kaniya ng isang gwardiya sibil na siya nga niyang tinanguan bago pa man siya tuluyang bumaba ng kalesa.
“¿El gobernador general ya está allí? (Nariyan na ba ang gobernador-heneral?)” tanong ni Rafael sa gwardiya sibil habang sinusundan siya nito at ng iba pang mga gwardiya paloob ng mansyon ng mga Lasso de la Vega.
“Allí está, señor, así como don Joaquin y señor Juan Miguel, (Nariyan ho siya Senyor maging ang Don Joaquin at Senyor Juan Miguel)” sagot ng gwardiya na dahilan upang matigilan si Rafael sa akma niyang pagtapak sa panghuling hakba
