~Hunyo 22, 1890~
San Nicolas
“Fidel, eto rine ang inyong tahanan?” namamanghang tanong ni Delfin nang tumigil ang kalesang sinasakyan nila sa tapat ng mansyon ng mga Salazar.
Tumango si Fidel bago pa man bumaba ng kalesa na siya rin nga ngayong sinundan ni Delfin.
“Delfin, mabuti pa at maiwan ka muna rito at bantayan mo muna ang kalesa,” saad ni Fidel na siya ngang tinanguhan ni Delfin.
Patakbo ngayong lumoob ng mansyon si Fidel upang makita ang kaniyang ama at tanungin ito at kumpirmahin sa mga bagay na sinabi nila Baste at Ursula.
_________________________
Isang tunog ng malutong na sampal ang umalingawngaw sa buong opisina ni Don Federico Salazar.
“At ang kapal din naman ng pagmumukha mo Fidel para bumalik at tumapak sa pamamahay ko?!” bulalas ng Don na siya ngang muli’t muling
