~Hulyo 14, 1950~
Dali-daling lumabas ngayon si Python sa bahay ng mga Salazar habang gulong-gulo ang isipan at hindi sigurado kung saan magtutungo.
Ang tanging gusto lamang nitong gawin ngayon ay ang mahanap kung saan ang lugar kung saan magaganap ang pagpatay sa kaniyang ama na siya ngang nakalagay sa pahina ng diyaryong ibinigay sa kaniya ni Hepe Cruz. Bago mahuli ang lahat ay desperado siya ngayong mapigilan ang dapat na mangyari.
“H—hindi maaari. Nang una ang lola ngayon si papa naman?” sunod-sunod na sambit ni Python na ngayon ay mabilisang tumakbo.
Ngunit natigilan siya nang madapa dahil sa biglaang pagtigil ng sasakyan na kamuntikan na siyang mabangga.
“P—python?” nanlalaking mga matang sambitla ni Amalia na siyang sakay ng sasakyan na ngayon ay pababa na para kumpirmahin ngang
