~Hulyo 14, 1950~
“Python, hindi dito mangyayari ang inaasahan mong trahedya. Kundi sa taong 1890,” saad ni Amalia dahilan para manghina ang tuhod ni Python dahil sa gulat at pagkadismaya.
“Paano mo nalaman? Sinong nagbigay sa’yo nito?” nanginginig na tanong ni Python na ngayon ay napaupo na sa kama at hindi na mapigilan ang mga luha niyang bumagsak mula sa kaniyang mga mata.
“Nangalkal ako sa mga naiwang dokumento ng papá kanina upang sana makahanap ng bagay na makakapagturo ng dahilan ng pagkamatay nito. Ngunit hindi ko naman inaasahan na makita ang kapirasong papel na ‘yan na nanggaling pa sa taong 1890. Kaya’t noong agad kong nakita ‘yan ay minadali ko si Mang Berteng na pumunta sa bahay ng mga Salazar kung saan kayo ngayon ni Eeya. Dahil kailangan na kailangan niyong makita ‘yan lal
