ITINAGO ni Athena si David sa kanyang likuran. Mamaya ay dumating na rin si Don Victor mula sa labas. Tinutukan niya ito ng baril habang humahakbang ito palapit sa kanila.
“Hindi mo kailangang magrebelde laban sa akin, Athena. Lahat ng ginagawa ko ay parte pa rin ng relasyon natin bilang magkakampi,” sabi nito.
Nauna nang pumatak ang luha niya dahil sa galit. “Hindi tayo magkakamapi, boss. Buong buhay ko, naglihim ka sa akin! Ginagamit mo lang ako para sa pansarili mong kapakanan!” nanggagalaiting pahayag niya.
“And where the hell you got that nonsense idea? Inaakusahan mo ba ako, Athena? Kailan ka pa natutong pag-isipan ako ng masama?”
“Huwag ka nang magkaila! Alam ko, ikaw ang pumatay sa mga magulang ko! Napakasama mo!” Nanginginig siya sa galit.
Huminto ang ginoo sa tapat niya may
