HINDI humihinto sa pagpapaputok ng baril si Athena habang umaatras. Sinusugod siya ng grupo ng mga lobo. Tumingala siya sa kalangitan. Lumitaw na ang bilog na buwan. Lalong lumalakas ang mga lobo. Nang maubos ang bala ng baril niya ay tumakbo siya paatras hanggang makarating siya sa dulo ng bangin. Masyadong malalim ang babagsakan niya. Pagpihit niya sa kanyang likuran ay nakita niya si David.
“David?” untag niya.
Nagulat siya nang bigla itong nagpalit ng anyo bilang halimaw na lobo. Sinalakay siya nito. Gumulong sila sa lupa. At nang pumaibabaw ito sa kanya ay bigla siya nitong sinakmal sa leeg.
“David!” sigaw ni Athena saka bumalikwas siya ng upo.
Hinahapong iginala niya ang paningin sa paligid. Nahimasmasan siya nang mapagtanto na nanaginip lang pala siya. Tumigil ang tingin niya sa
