GIGIL na sinuntok ni Athena sa mukha si Glenn nang ito ang una niyang nakita sa pagmulat ng kanyang mga mata. Naroon na siya sa headquarter ni Don Victor sa Port Del Pilar.
“Paano mo nagawa sa akin ‘to, Glenn?” humihikbing tanong niya.
Napaluklok siya muli sa kama nang pakiramdam niya’y malulumpo siya dahil sa labis na panlulumo ng tuhod niya.
“Patawarin mo ako, Athena. Gusto lang kitang mailayo sa panganib,” sabi nito sa kabila ng pagluha.
“Sinungaling! Sarili mo lang ang iniisip mo, Glenn! Akala ko ba naiintindihan mo ako?” nanggagalaiting hasik niya.
“Pinilit kong intindihin ka pero habang ginagawa ko ‘yon, lalo akong nahihirapan dahil alam ko’ng mali ang landas na tinatahak mo! Nalaman ko na alam na rin ng mga lobo kung saan kayo nagtatago kaya naisip kong unahan na namin sila. Wa
