BUMIYAHE papuntang Maynila si Athena kasama si David para asikasuhin ang kailangan niya sa pag-alis ng bansa. Mayroon na siyang passport. Ngunit hindi matatapos sa isang araw lang ang pag-asikaso ng papeles kaya nag-stay sila ng dalawang araw sa Maynila. Naka-check-in sila sa isang hotel.
Dahil naghahanap ng sariwang karne si David, nagtungo sila sa meat shop at bumili ng sariwang karne ng baka na dinudugo pa. Naubos ni David ang tatlong kilong karne pero mukhang hindi pa ito nabusog. Iba daw kasi ang sarap ng buhay na hayop at direktang kinain. Nandidiri siya habang nagkukuwento ito. Mabuti na lang nauna na siyang naghapunan. Pinapanood lang niya itong pinapapak ang himaymay na laman ng karne. Sarap na sarap ito sa kinakain.
“Kapag nasa California na tayo, bibili ako ng farmland para m
