DINALA lahat ni Athena ng kailagan niya sa pagsugod sa kota ng mga lobo. Nangsuot siya ng leather fitted long pants na kulay itim at fitted leather jacket at high-cut rubber shoes. Sinabi ng mga hunter nila na kumokota ang mga lobo sa dati nilang headquarter sa La Trinidad. Dinala niya ang kanyang wolves’ radar, deadly weapons at baril. Kahit may tiwala siya kay David na hindi nito magagawang saktan ang anak niya, inihanda niya ang sarili sa maaring engkuwentro sa pagitan nila. Mahina siya pagdating kay David, pero kapag buhay na ng anak niya ang nakasalalay, wala siyang lilinguning kahinaan.
Ginamit niya ang kanyang kotse patungo sa La Trinidad, pero hindi na niya ito ipinasok sa boundary ng lupain. Tumambay lang siya sa gubat hanggang sa dumilim. Mas active siya sa gabi kaya hindi siya
