Dali-dali akong pumunta sa banyo at agad na tinawagan ang aking ina. Naka-ilang beses na akong nag-dial, ngunit hindi ko siya makontak. 'Out of coverage area', ang laging sinasabi ng operator. Lumakas ang kaba ng aking dibdib, lalo na nang maalala ko ang sinabi ni Jeff kanina.
Sinubukan ko ring tawagan ang aking kapatid pero hindi ko rin siya makontak. Tumulo ang aking luha, dahil nag-aalala ako sa kanila. Lumabas ako na bagsak ang aking mga balikat, at hindi pa rin tumitigil ang aking mga luha.
"Jenn, nakausap mo ba ang pamilya mo?" Sinalubong ako ni Zeth ng tanong.
Hindi agad ako nagsalita, subalit umiling-iling ako. Napaupo ako sa gilid ng aking kama at humagulgol ako.
"Huwag kang mag-alala, Jenn. Bukas ay Sabado na. Kung makita mo siya, bigyan mo agad siya ng babala at sabihin m
