LEXXIE
Makalipas ang ilang taon…
"SAAN siya pumasok?" Tanong ko sa batang nakasalubong ko. Kita ko siya kanina bago lumiko ang hinahabol kong suspect.
"Dyan po sa pang-apat na bahay, Ma'am." Sabay turo niya.
"Salamat, 'Toy." Hinugot ko ang baril ko at dahan-dahang naglakad papunta sa pintuang tinuro ng bata.
Napatigil ako nang marinig ang pag-ubo. Kasabay niyon at ang pagbahing niya.
"Gotya!" ani ko sa aking isipan nang makita ang likod niya. Saktong may sira ang bahay na pinagtaguan ba naman niya.
Sinipa ko ang pintuan kaya nagulat siya. Muntik pa siyang mabagsakan ng pintuang nasira ko. Napalakas yata ang sipa ko.
"Itaas ang kamay!" sigaw ko kapagkuwan. Nahirapan pa siyang lumunok dahil nakatutok na sa kanya ang aking baril.
"W-wala po talaga akong kasalanan, Ma'am. Maawa po ka
