LEXXIE
TAMAD na tumayo ako nang marinig ang boses ni Nanay sa may pintuan.
"Morning, anak. Magbabaon ka ba?" bungad niya sa akin nang pagbuksan ko siya.
"Morning din po. Ano po ba ang ulam?"
"Bistek,"
"Sige po, magbabaon na lang po ako,"
"Sige, anak. Ipaghahanda kita,"
"Kay Tatay po? Daanan ko na lang po sa opisina niya."
"Naku, ipapahatid ko na lang mamaya. Male-late ka kung ihahatid mo pa." Hindi kasi siya umuwi kagabi dahil may trabaho siya.
Hindi pa kami nag-uusap ni Tatay dahil ilang araw na siyang abala. Minsan sa palasyo siya natutulog. Walang sinasabi si Tatay pero alam kong tungkol na naman sa Markesa.
"Maliligo na po ako, 'Nay. Ihahatid ko na lang po. Magmo-motorsiklo naman po ako kaya mabilis lang din."
"Sigurado ka ba, anak?"
"Opo."
"O sige, anak."
Pagkaalis ni
