IAN’S POV
NAIINIS ako sa tuwing may event sa amin o ‘di kaya dadayo kami sa mga kaibigan ng aking magulang. Lahat na lang ng hawak o bitbit kong laruan ay nagugustuhan ni Ate Lexxie.
Babae siya tapos ang mga laruang gusto ko ay gusto niya rin. Sa ibang mga bata nga, e, barbie dolls, pero ang mga gusto niya mga toy gun. Kakaiba talaga siya. Kaya ayokong pumupunta talaga sila dito sa bahay. Para siyang kapatid ko na isang kibot lang ng labi kay Mommy bigay agad kahit na magagalit ako.
Tapos hindi lang ‘yan, pati mga kaibigan ko na mga lalaki, gusto niya rin kalaro. Kaya naiinis talaga ako sa kanya. Pinapakita ko sa kanya.
Pero nagbago iyon nang mapansin kong lagi niyang kalaro si Zale, ang anak ni Ninong Aki. Nakikita ko lang siya sa tuwing sa bahay lang may handaan. Pero ang balita ko,
