LEXXIE
NAPABALIKWAS ako nang bangon at nilingon ang nasa likuran ko. Si Bonnie na ang nalingunan ko. Tulog na tulog na siya.
Kinuha ko ang kamay at dinala sa aking noo. Hindi siya ang tumabi sa akin kagabi. Si Killian nga talaga 'yon. Sigurado ako doon.
Hay, anong mukha kaya ang ihaharap ko sa kanya ngayon?
Maaga akong nagising kaya ang tahimik ng paligid. Wala nang bakas ng party kagabi ang pool dahil nilinis na ng mga kasambahay.
Nang makita ako ng kasambahay nila Marga ay kaagad akong inalok ng kape kaya humingi ako. Nahihiyang natanong ko siya pagbalik niya kung nakita niya ba sila Killian kagabi, ang bagong dating lang. Umalis na daw kaninang madaling araw.
Nakaramdam ako nang panghinayang. Hindi ako nakapagpasalamat kay Killian. Pero buti na iyon, kasi parang nahihiya ako i-o
