“Hey, are you sure you're okay?” Drex asked me again. Nasa kotse na kami at pauwe na sa bahay. Nagpaiwan ang kambal kina mommy, kaya kaming dalawa nalang ni Drex ang umuwe.
“I'm okay, Drex. Just keep driving. Inaantok na kasi ako,” mahina kong sagot at sumandal sa upuan. Ipinikit ko ang aking mga mata.
Parang nakaramdam ako ng antok. Siguro ay buntis nga talaga ako, dahil ganito din dati ang naramdaman ko noong mga panahong ipinagbubuntis ko pa si Shannel at Aeron.
Rinig ko pa ang malalim na pagbuntong hininga ni Drex bago ako tuluyang hinila ng antok. Nang magising ako ay nasa loob na ako ng kuwarto at nakahiga na sa malambot na kama. Nang mapatingin ako sa orasan ay 06:43 pm na.
Napahikab ako at nag-unat-unat bago bumangon. Binuksan ko ang closet at kinuha ang isang pregnancy test s
