THIRD PERSON POV
PAGTALIKOD ni Theo sa restroom ay bigla siyang napahinto nang mabungaran niya sa may bukana ng pasilyo si Gavriel Bokbok. Nakasandal ito sa pader, naka-cross arms at nakatitig lamang sa isang direksyon ... walang iba kundi sa kanya.
Malakas ang dating nito. Nakikita niya ang mahinang paggalaw ng panga nito. Ang mga tingin nito'y parang kayang pumatay sa isang iglap lang.
Pasimple siyang humugot ng malalim na hininga bago muling nagpatuloy sa paglalakad palapit sa kinaroroonan nito. Wala siyang ibang madaraanan kundi doon lang, kaya alam niyang hindi niya ito maiiwasan.
At 'di rin naman lingid sa kaalaman niyang mangyayari talaga 'to. Alam niyang mistulang anino na ito ni Gracelyn.
Samantala, nangangalit naman ang bagang ni Gavriel Bokbok matapos niyang makitang masay
