Isang bugkos ng rosas ang nabungaran ni Yngrid pagpasok niya isang umaga sa opisina. Hinanap niya agad ang card na kasama noon ngunit wala siyang nakita kahit binaliktad na iyon. Sigurado siyang hindi iyon galing kay Ryan dahil noon pa 'man ay ayaw na nito sa mga gano'ng bagay na madaling masira. Mas madami pa nitong nabigay sa kanya noon na pareho nilang nagamit ngunit lahat ng iyon ay nasauli na niya. Yung iba nakatago sa malaki niyang closet at may takip para hindi niya nakikita. Napahinto siya sa pagsipat sa bulaklak ng pumasok si Ryan. Sandali itong huminto at tumingin sa kanya bago mabilis na pumasok sa office nito. Binagsak niya yung bulaklak sa kamay ng ka-trabaho at matamang lumakad papuntang opisina ni Ryan. Akto siyang papasok ngunit bigla humarang sa harapan niya si Rochelle.
