CHAPTER 28
KUNOT-NOONG nag-angat ng mukha si Ryu nang ihagis ni Xander ang isang magazine sa ibabaw ng lamesa niya at patamad na umupo sa kaharap na silya.
Pinagmasdan niya ang seryosong mukha ng pangalawa sa Montana brothers. Sa tatlong magkakapatid ay ito ang pinakatahimik at seryoso. Sinusubukan niyang basahin kung ano ang masamang hanging nagtulak dito para dalawin siya nito sa kaniyang opisina. Ilang buwan na ring out of contact siya sa mga kaibigan. Simula nang umalis si Sabina'y nawalan na siya ng ganang makipag-bonding sa mga kaibigan.
Dumaan ang ilang minuto pero wala siyang ibang mabasa mula sa ekspresyon nito.
“Baka gusto mong buklatin ang Magazine.”
Di lang seryoso ang isang ito. Among the Montana siblings, Clyde Alexander Montana was the most sarcastic of them all.
