"Ibaba mo ang kutsilyo, Pauleen. Baka masaktan mo ang anak natin," turan ni Christiano na pilit lumalapit rito. Muling lumambot ang mukha nito na tila ba malapit na niya itong mapasunod sa nais.
Iiling-iling nitong niyakap ang sanggol. "Hindi—hindi ko siya masasaktan. Mahal na mahal ko ang anak natin," anito na paniwalang-paniwala na anak nila ito.
"Oo, mahal na mahal ko rin siya," ani ni Christiano na naiiyak sa tindi ng tensiyon. Mabuti na lamang at medyo tumigil na ang anak sa pag-iyak nito.
Konti na lamang ay makakalapit na siya kay Pauleen. Kailangan niya lamang itong gatungan upang makalma ito at hindi saktan ang anak nila ni Erika.
"Ako ba? Mahal mo rin ba ako?" hindi inaasahang tanong nito dahilan upang bahagya siyang mapalingon sa kinaroroonan nila Kendra at Erika. "Ako ba? M
