NAWINDANG si Devey pagmulat niya ng mga mata ay nakadukot na ang kanang kamay niya sa dibdib ni Dr. Dreel. Nasapo niya ang puso nito. Nagtama pa ang mga mata nila bago ito unt-unting nagiging abo. Sa hindi mawaring kadahilanan ay kusang tumulo ang luha niya habang painagmamasdan niya ang abo ng puso ni Dr. Dreel sa kanyang palad. Umuusok pa iyon, maging ang abo ng katawan nito na nagkalat sa sahig. May ilang hibla ng nakaraan ang sumagi sa isip niya...
“Sino po kayo?” tanong ng anim na taong gulang na batang si Devey sa matandang lumapit sa kanya at binigyan siya ng munting perlas, habang naglalaro siya ng buhangin sa pampang ng dagat.
“Marahil ay hindi ako naipakilala ng daddy mo. Ako ang lolo mo, pero nakatira ako sa malayong lugar,” sagot naman ng matanda.
Tumayo siya at pinasadahan
