Chapter Thirty Seven
PAENG
BANDANG alas tres ng umaga ako nakarating sa Le Monet Hotel dito sa Baguio city.
Halos wala ng tao sa paligid. Marahil ay tulog pa ang mga ito.
Malamig na ang gabi. Summer ngayon ngunit talaga pa lang malamig ang klima dito sa lungsod na ito.
Hindi ko na pinabuhat pa sa bellboy ang bag ko dahil kaya ko naman.
Inalalayan naman ako nito papunta sa aking room number. Room 305 ang binigay sa akin.
Kagaya ng inaasahan ko ay sadyang maganda ang hotel. Hindi gano'n kalaki ang pinareserve kong kwarto dahil mag-isa lang naman ako.
Mas gusto ko iyong maliit na espasyo nang hindi ko lubusang maramdaman ang kalungkutan.
Pagkalapag ko ng gamit ko ay dumiretso ako sa kusina para kumuha ng maiinom sa ref.
Natuwa ako nang makita ang ilang in-can beer sa loob nito kaga
