Pagkatapos nilang kumain, nagpaalam si Lilian kay Daniella dahil gusto niyang maglibot muna. Tulog pa si Vanessa at kasama naman niya si Thalia upang bantayan ito. “Saglit lang ako,” nangako si Lilian na babalik kaagad.
“Take your time, Lil. Gusto kong matulog muna kahit sandali lang,” sabi ni Ella. Kadalasan kasi ay gising si Arianna sa gabi kaya lagi siyang puyat. Kahit sandali lang ay gusto niyang bumawi sa pagtulog.
Ngumiti si Lilian at tumango kasi naintindihan niya ang kalagayan ni Daniella. Hindi katulad ni Arianna, mabait na bata si Vanessa at hindi niya kailangang magpuyat sa gabi dahil mahilig matulog ang bata.
Tinakpan ng makapal na ulap ang sinag ng araw kaya tamang-tama sana upang magtampisaw sa dagat. Niyapos niya ang kanyang sarili nan
