Hindi matanggap ni Marcus Madrigal na pinagtatawanan lang siya ni Daniella. Minaliit ng babae ang kanyang kakayanan na paibigin itong muli. “Minahal mo naman ako dati, di ba?” Nagduda siya bigla. Paano kung nag-assume lang pala siya?
Ikinibit ni Daniella ang kanyang balikat dahil hindi niya alam kung dapat ba niyang sagutin ang tanong ni Marcus. Minahal dati? Nagpapatawa ba ito? Eh hanggang ngayon ay mahal na mahal pa rin niya ang lalaki kaya lang ay mataas ang respeto niya sa kanyang sarili. Hindi niya pwedeng gawing tanga ang sarili para lang sa pagmamahal! “Siguro,” ang tanging sagot ni Daniella.
Siguro? Hindi siya sigurado? Sabagay, maski siya ay hindi naman sigurado sa kanyang naramdaman noon. “Gagawin ko ang lahat upang mahalin mo uli ako,” pahayag ni Marcus
