Gusto pa sana niyang i-extend ang kanyang paglalayas ngunit mas nanaig ang pananabik sa kanyang puso na makasamang muli ang kanyang mga apo. Gusto na niyang marinig muli ang malutong na mga tawa nina Vanessa at Arianna.
“Salamat, Ed.” Sabi niya kay Edwin na hindi nagsawang intindihin siya.
“Dito ka na lang muna,” sinubukan ni Edwin na pigilan si Paloma dahil pauwi raw si Gerald at may kasama itong babae. Gusto nyang makita ni Paloma ang babaeng dadalhin ni Gerald upang tulungan siyang kilatisin ito.
“Tawagan mo na lang ako kapag narito na sina Gerald, para namang hindi tayo magkapitbahay,” sabi ni Paloma sa lalaki. “Masyado kang excited na ipakasal ang anak mo,” puna niya.
“Sino ba naman ang hindi magagalak? Never pang nagdala ng baba
