Sandali niyang minasahe ang kanyang batok nang sa wakas ay muli niyang nakaharap ang babaeng ilang araw ng nagpagulo sa kanyang isipan. Naglakad siya papalapit sa babae ngunit umatras naman ito kaya tumigil siya. “Gusto ko lang makasiguro na hindi ako pinaglaruan ng aking mga mata,” sabi niya sa babae at saka sinampal ito ng malakas. Kahapon pa niya gustong gawin ‘yon ngunit nagtimpi lang siya.
“How dare you!”
Sumigaw ito habang hinimas ang pisnging tinamaan ng kanyang kamay. Hindi niya ugaling manakit ng babae ngunit hindi niya napigilan ang kanyang sarili na iparamdam sa babae kung gaano siya kagalit. “Nilinlang mo lang ako,” nanlisik ang kanyang mga mata habang inakusahan ang babae.
“Maupo ka nga muna!” Utos nito.
“Paano mo nagawa sa akin ‘ton?” Tinanong niya ang babae
