“Sa dami ng mga pinagdaanan natin, pinakagusto ko sa lahat ‘yong binigyan mo ako ng tsansang makabawi sa inyo ni Vanessa,” madamdaming wika ni Alexander.
Bahagyang nakunsensya si Lilian dahil wala naman siyang balak na bigyan ito ng isa pang pagkakataon noon, eh. Gusto lang naman niyang pahirapan ang lalaki kaya nga nag-propose siya na gawin itong alipin. “I’m sorry,” sabi niya.
“Para saan?”
“Noong ginawa kitang utusan,” sagot ni Lilian.
“Okey lang, nag-enjoy din naman ako kahit mahirap ang pagiging labandero,” nakangiting pahayag ni Alexander. “Maaari mo na sigurong ipaliwanag sa akin kung bakit kailangan kong magsibak ng kahoy eh may stove naman sa bahay,” nag-usisa si Alexander.
“Wala lang. Gusto ko lang pagmasdan ang mask
