Masayang nagkukwentuhan sina Alexander at Lilian sa may pergola nang mamataan nila si Paloma at Philip na parang nag-aaway. “Ano kaya ang problema nilang dalawa?” Kumunot ang noo ni Lilian habang tinanong ang lalaking kasama ngunit deadma lang si Alexander sa kanyang tanong. Natagalan itong sumagot at muntik ng mairita si Lilian sa reaksyon nito.
“Baka binasted ng mama mo si Philip,” sumagot si Alexander at bahagya siyang napatiimbagang habang inisip ang posibilidad na magsanib pwersa si Paloma at Philip. Noon pa kasi niya napansin na parang may gusto si Philip Madrigal kay Paloma Murillo. Baka inisip ni Philip na pwede nitong dugtungan kung anuman ang namagitan sa kanila ni Paloma noon.
Napangiti si Lilian nang makita ang reaksyon ni Alexander habang nakatingin sa lalaking nagpakilal
