Sumapit ang araw ng Linggo. Maagang bumiyahe papunta ng Bataan ang pamilya nina Liam, kasama na sina Bea at Baby Liam. Bago magpananghalian ay nakarating na sila sa bahay nina Bea. Nakapaghanda na din ang mama nina Bea. Agad na ipinakilala ni Liam ang mga magulang niya.
“Ma, pa, please meet my parents.” Tumabi ito sa papa niya. “Siya po ang papa ko...at siya po ang mama ko, asawa po ni papa. At ito po ang mga kapatid ko.” Tinuro niya ang mga anak ng papa at stepmom niya na isang lalaki at isang babae, kapwa mga binata at dalaga na. Ngumiti ang mga ito.
“Good morning, tuloy po kayo.” Nakatayo na sila noon sa loob ng bakuran. Inaya sila ng papa ni Bea na tumuloy.
Lumapit naman si Liam sa mama niya, at inakbayan ito. “Ma, pa, ito naman po si mama...hindi po halatang mama ko, pero siya po
