Nang gabing iyon ay hindi mapakali si Bea. Hindi niya malubos maisip na kinaya ni Liam na hindi siya makita nang matagal. Dahil sa nangyari ay nag-isip nang mabuti si Bea ng mga susunod na hakbang niya. Pagkagising ay kinausap niya ang mga magulang at inihain ang nabuo niyang plano.
“Ma, pa, babalik na po ako sa Manila.” Bungad ni Bea habang nag-aalmusal sila.
“Ano naman ang gagawin mo doon?” Tanong ng mama niya.
“Magta-trabaho po uli ako. Iyon naman po ang naging usapan namin ni Liam noong kinuha niya ako sa Japan. Babalik po ako sa kumpanya niya.”
“Naku mabuti pa nga, para may pagka-abalahan ka din at huwag mo na munang isipin ang pagpapakasal.” Sagot ng mama ni Bea habang sumusubo ng sinangag at daing na pusit nakakamay pa.
Ang papa niya ay tahimik lang at sarap na sarap sa pag
