Nang makarating si Bea sa apartment ay agad siyang naglinis ng kuwarto niya. Kaunti pa lang ang dala niyang gamit, sapat lang na pampalit na damit para sa isang linggo. Habang abala sa ginagawa ay hindi maalis sa isip niya ang nakita niya kanina.
Sino kaya yung babaeng iyon? Bakit kaya magkasama sila ni Liam?
Akmang kukunin na ni Bea ang cellphone para i-text si Liam nang bigla itong tumunog. Pag tingin niya ay rumehistro ang pangalan ni Liam.
“Hello, Bea.” Bati nito sa kabilang linya. Nakaramdam ng kaba na may kahalong kilig si Bea nang marinig ang malalim na boses ni Liam.
“Hi, Liam.” I miss you. I miss you so much. Ito talaga ang gustong sabihin ni Bea.
“I’ve heard nagpunta ka daw sa HR.”
“Uhm, yeah. Kaninang umaga.”
“So when will you start?”
“Tomorrow. Sabi ng HR ayos na
