Pag-uwi nila galing bakasyon, nagkasundo sina Samuel at Jessica na muling magsama sa Hacienda Velasquez. Gusto sana ni Jessica na sa kanila na rin tumira si Francis ngunit tumanggi ang kanyang kaibigan dahil malolosyang lang daw ito sa probinsya.
Kararating lang nila sa farm, at pagod pa sila galing sa biyahe nang dumating rin si Marcus na hindi mahitsura ang mukha. Matagal na panahon na hindi sila nagkita ni Marcus kaya laking tuwa niya nang magbalik ito sa hacienda.
“Marcus! Mabuti at umuwi ka!” Excited na pahayag ni Jessica nang makita ang lalaki. Pero napansin kaagad niya na mukhang may problema ang lalaki. “Bakit ganyan ang mukha mo? Mas lalo kang tumanda,” pahayag niya.
Napatiimbagang si Marcus nang marinig ang pagpuna ni Jessica sa kany
