NAKITA ko na lamang na umiiling si Ma'am Liezel habang nakatitig kay Sir Dame Lei. Hindi na siya nagsalita pa sa anak niya. Ni hindi man lang niya ito pinagalitan, na ipinagtataka ko.
Samantalang si Ma'am Damzel ay walang tigil sa pagtawa. "Ces, now you know what I meant! The things you need to be ready for."
Namilog ang mga mata ko sa sinabi niyang 'yon. Naisara kong muli ang pinto at ikinandado! Alam nilang naririto pa ako sa loob ng silid ni Sir Dame Lei at nagtatago lang!
Waaah! Ano nang mukhang ihaharap ko sa kanila ngayon? Sobrang nakakahiya talaga. Bakit ba ako pumayag sa anak ng manok na 'yon na magpatusok na naman?! Ang rupok mo kasi Celeste Marciano! Para kang ewan!
Napaupo na lamang ako sa tabi ng pinto.
Gusto ko nang maiyak sa labis na kahihiyang nararanasan ko ngayon. Hi
