"INGAT," habilin ko kay Dame Lei bago siya sumakay ng kotse niya.
Kaagad namang humapit ang isa niyang kamay sa baywang ko at binigyan ako ng mainit na halik sa mga labi. Tumagal din iyon ng ilang segundo, bago kumalas.
Nag-init ang pisngi ko dahil may mga guwardyang nakapalibot sa paligid namin.
"Iwasan mo na lang siya kung kinakailangan, hangga't kaya mo," aniya sa akin. Sinulyapan niya ang kinaroroonan ni Nona na ngayo'y nasa patio at nakatitig sa amin.
Pakiramdam ko nga ay pinapatay na niya ako ngayon sa isipan niya.
"Sure. No worries." Binigyan ko siya ng matamis na ngiti.
"Mami-miss kita sa trabaho. Don't forget our plans for tonight."
"Oo na."
Ngumiti din naman siya kasabay nang marahan niyang pagpisil sa pisngi ko.
Pumasok na rin siya sa loob ng kotse niya. Kumaway na
