MILLIE
Ilang minuto ring nakabibinging katahimikan ang namayani sa aming lahat. Walang nagsalita at nanatili lang na nakatitig sa isa't-isa sina Frylle at ang may-edad na lalaki.
Wala ring nagtangkang magsalita sa mga pinsan ni Frylle, pero halatang mga alerto at handang kumilos oras na may mangyaring hindi maganda.
Natuon ang tingin ko sa may-edad na lalaki. Hindi pa rin nabubura sa mga labi nito ang ngising nakakaloko. Even his eyes were telling something at the guy beside me. Sa tantiya ko, hindi nalalayo ang edad nito sa mga magulang ni Frylle. May hitsura at matikas pa rin ang tindig nito. Siguradong guwapo at tinitilian din ito ng mga babae noong kabataan nito.
Bumaling naman ang tingin ko kay Frylle. Wala pa ring kababakasan ng anumang emosyon ang mukha niya, pero alam kong may
