MILLIE
"Hey."
Halos magulat at matulala ako sa lalaking nakatayo ngayon sa harapan ko.
Si Frylle ang bumungad sa akin pagkabukas ko ng pinto. And I didn't expect him to show in front of my door.
Dalawang araw na rin ang nakakalipas nang huli kaming mag-usap at magkita. At iyon nga ay noong pumunta ako sa opisina niya.
"Hey," I greeted back.
Ilang minuto rin yata kaming nakatitig lang sa isa't-isa bago siya tumikhim nang malakas.
"Can I come in?"
Napakurap-kurap ako bago tumikhim din. "Sure," sambit ko bago niluwangan ang pagkakabukas sa pinto.
Tahimik siyang pumasok at iginala ang tingin sa paligid. Nakita niya ang mga kagamitan ko na nakakalat sa sahig. Ang iba ay nakabalandra lang at hindi ko pa nailalagay sa kahon.
Agad akong lumapit sa mga kalat at dinampot ang mga iyon.
