Marco POV.
Agad na nag-mind link ako sa mga tauhan ko na nasa paligid ng lugar ng makarating ako sa sasakyan ko. Hindi na ako makagalaw dahil sa dami ng media na nasa paligid ko at naghihintay ng pagkakataon na makausap ako.
Mahigpit ang utos ko na hanapin sa paligid si Marga at kung kinakailangan na baliktarin nila ang lugar mahanap lamang ang luna ko ay gawin nila.
Malakas ang hinala ko na may nangyari rito. Agad na tinawagan ko ang cellphone nito pero nakasarado na ito. Bagay na lalong nagpakaba sa akin at nagpalakas ng hinala ko na may hindi magandang nangyari dito.
Pilitin ko mang itanggi ay hindi ito maikakaila ng biglaang sakit na naramdaman ko kani-kanina lamang.
Kahit ayaw na ayaw ko ng media ay nanatili ako sa lugar na ito habang tinitingnan ang mga kilos at pinakikinggan
