Perrie.
“H’wag kang lalayo kay Kuya Patrick, okay? ‘Wag pasaway, baby…” Habang iniipitan ng buhok si Pia ay sinasabayan ko rin iyon nang pagpapaalala kung ano ang mga gagawin niya mamaya.
Naglambing kasi sa akin itong bunso namin na gusto raw niyang maligo sa swimming pool. Bago matulog kaninang tanghali ay kinokontrata na niya ako na pagkagising niya ay maliligo raw siya.
Alas singko na rin naman kaya tamang-tama ang paliligo. Hindi rin naman ako masyadong nag-aalala dahil nangako sa akin si Patrick na siya ang bahala kay Pia. Susunod din naman ako sa kanila ro’n mamaya, pero aayusin ko muna itong kwarto na pinagtulugan namin ni Pia.
“Opo, Mama. Panglimang beses mo na pong sinabi ‘yan,” sagot naman niya sa akin.
Mahina akong napatawa. “Ay panglima na ba? Akala ko three times pa
