“Miss na po kita, mama.” Napangiti ako habang nakatingin sa maamong mukha ni Pia na nasa screen ng hawak kong cellphone.
Kasalukuyan akong nakikipag-video call sa pamilya ko. Wala pa nga halos bente-kuwatro oras na nalalayo ako sa kanila ay nangungulila na agad ako sa mga kaingayan at kaguluhan nila.
“Miss ka na rin ni mama, bunso ko…” Pinatulis ko ang aking nguso para ihatid ang isang halik kahit sa harap lang ng screen.
Dali-dali rin naman niya akong ginaya. “Mwah!” aniya na may kasama pang tunog kaya pagkatapos ay sabay kaming naghagikhikan.
Bahagya akong humilig sa unan na aking yakap. Saka ko lang naramdaman kung gaano kabigat ang mga nangyari sa maghapon. It’s a tough day and I just want to hug my baby. Alam kong isang yakap lang ni Pia ay mababasawan na ang lahat ng bigat at p
