Perrie.
“Alam mo, kanina pa ako may napapansin!” Napapitlag ako sa kinauupuan nang magulat sa biglaang pag-akbay sa akin ni Ma’am Bridgette.
Katatapos lang ng meeting namin, ang iba ay nagpaiwan sa office habang ako naman ay nagpasyang pumunta na rito sa classroom ko. Siyempre, hindi nagpaiwan doon sina Ma’am Bridgette at Sir Luisito na heto’t mukhang ilalagay na naman yata ako sa hot seat.
“Oh, sinasabi ko na nga ba e!” ani pa niya na tila binigyan na ng kahulugan ang naging reaksyon ko.
Ang hilig kasi laging manggulat. Pwede namang dahan-dahan lang lumapit at mahinahong magsalita, pero parang laging nakakalunok ng mikropono.
“Sino ba naman kasi ang hindi magugulat diyan sa lakas ng boses mo?!” Si Sir Luisito ang sumagot habang napapangiwi sa kaibigan namin. “Daig mo pa dalawa bi
