Point of view
- Kathleen Vergara -
Ilang araw matapos kong matanggap ang mensaheng iyon sa aking email, hindi ko na siya binuksang muli. Para sa akin, nais ko nang iwan ang lahat ng bagay sa Pilipinas at kung uuwi lang ako roon para manood ng concert para naman akong sira hindi ba? At isa pa, livestream ang concert na iyon, maaari ko naman itong mapanood sa online.
Huminga ako nang malalim dahil sa mga bagay na aking iniisip. Hindi ko alam kung bakit naguguluhan pa rin ako kahit desidido naman na akong hindi pupunta sa concert na iyon.
"Aaaargh!" inis kong sigaw sabay sabunot sa aking buhok.
Niyuko ko ang aking ulo sa tapat ng laptop, kasalukuyan kasi akong gumagawa ng mga bagong design na imo-model sa susunod na fashion fest, ngunit dahil sa nakaiinis na mensaheng natanggap ko, tila
