Point of view
- Raven Beringer –
"Anong ginagawa mo rito, Raven?" tanong ni Kathleen sa akin.
Hawak ko sa aking kanang kamay ang aking jacket na ginamit ko kanina sa pagkanta. Ang sa kaliwang kamay ko naman ay ang maskara na nakatakip sa aking mukha kanina.
"Ah, nabasa ko kasi ang mensahe mo, kaya pumunta ako rito."
Nakita ko ang pagsulyap ng kanyang mata sa mga bagay na daladala ko.
Agad ko namang kinuha ang aking backpack na nakasabit sa aking balikat, binuksan ko ito saka pinasok lahat ng aking dala, hindi alintana kung magulo man ang aking pagkakalagay.
"Wala ito, mga kalat lang." Pagklaro sa aking ginawa bago pa niya itanong kung ano ang hawak ko.
"Napanood mo ba si Xavier?"
"Oo nakita ko."
Nakita ko ang pagsilay ng ngiti sa kanyang labi nang bangg
