Pumasok ang sinasakyan nila ni Troy sa isang magandang subdivision. Entrance pa lang alam mo nang exclusive at mamahalin ang mga bahay sa loob. Hindi naman na siya magtataka pa, isang Alcantara ang kasama niya. Baka hindi lang niya alam dahil hindi naman siya taga San Ignacio, ang mga Alcantara pala ang pinakamayaman sa bayan na iyon.
May guard sa gate na pinasukan nila. Talagang mayaman nga ang kasama niya. Malayo pa ang bahay mula sa gate na pinasukan nila. Sa may hardin makikita ang mga magagandang bulaklak. Halatang alagang-alaga ang mga bulaklak roon. Napaka aliwalas at napaka presko. Nakaka relax, iba talaga pag nasa probinsya ka, iba ang hangin, walang polusyon.
"Dito na tayo,' Troy said nang patayin na nito ang makina at sulyapan siya.
"Salamat Troy," pasalamat niya sa binata. T
