Matapos nilang kumain ni Troy nagpaalam ito na aalis saglit dahil may kailangan pa itong asikasuhin sa ospital at dadaan din daw ito sa hotel. Natutuwa siya kay Troy dahil nagpapaalam pa talaga ito sa kanya at sinasabi sa kanya ang gagawin nito sa labas.
"And gusto ko nga palang maglagay ng security sa bahay ng lolo at lola mo pansamantala, Tessa,' saad sa kanya ni Troy.
"Talaga Troy? Nag-aalala din kasi ako sa kanila. Wala silang ibang kasama roon baka mapahamak pa sila nang dahil sa akin,' saad niya rito.
"Tessa, wala kang kasalanan sa nangyayaring ito. Kung may dapat sisihin si Lira iyon. Lumagpas na siya sa dapat. Hindi siya marunong lumaban ng patas," saad nito sa kanya.
Nais niya sanang sabihin rito na baka ito ang dahilan kung bakit galit na galit sa kanya si Lira. Hindi na lang
