Isang linggo na ang nakakalipas mula nang makabalik siya sa Manila matapos ang nangyari sa kanya sa Alcantara Beach Resort and Hotel sa bayan ng San Ignacio. Mainit pa ang nangyari sa kanya kaya halos hindi man siya lumalabas ng condo unit niya. Wala din siyang project or show na nakukuha dahil nga tila pinababayaan na siya ng kanyanh handler na ngayon. Panay tawag sa kanya ni Ms. K pero hindi niya sinasagot. Ilang beses na rin siyang pinuntahan ni Ms. K sa kanyang unit pero hindi niya ito hinarap. Galit ito sa kanya at nag-aalala siya sa kanyang safety, kaya halos nakakulong lang siya sa kanyang condo.
"This is the end of me," bulong niya habang nakatanaw sa labas ng glass window sa kanyang unit. Tanaw na tanaw niya ang malawak na Maynila na napakaraming sasakyan at mga tao na sobrang bu
