"Sebastian, nasasaktan ako," bulong niya habang halos bumaon ang mga kuko nito sa balat niya.
Matalim na tingin ang naging tugon sa kanya ni Sebastian habang halos kaladkarin na siya nito kung saan.
Hindi niya alam kung paano sila nito nasundan ni Philip sa hotel room na iyon. Alam niyang pagmamay-ari ni Sebastian ang hotel at may access ito panigurado sa lahat ng silid. Nagtataka lang siya kung paano nito nalaman kung nasaan sila. Nakita niya sa restaurant si Sebastian pero hindi na niya ito nakita nang matapos na silang kumain ni Philip.
Hindi niya alam kung bakit siya pumayag sa gusto ni Philip na mag check in sila after nilang mag dinner. Masyado yata siyang nadala sa pa flower at mga sweet na salita ni Philip sa kanya at basta na lang siya sumangayon rito nang sabihin na mag check
