"Sino pala iyung naghatid sa iyo kanina sa labas apo? Bakit hindi mo man lang pinapasok para sana napasalamatan namin," saad ng lola niya habang pinaghahanda na siya nito ng makakakain.
"Ah.. Taga dito po iyon La, tinulungan lang po niya ko dahil nasira ang sasakyan ko sa gitna ng kalsada," tugon niya.
"Taga rito? Aba kilala ko lahat ng taga rito," saad ng lolo niya.
Ngumiti lang siya sa lolo niya. Tiyak naman kakilala ng mga ito si Dr. Troy Alcantara. Baka nga banggitin lang niya ang apelidong Alcantara ay kilala na ng mga ito kung sino ang tinutukoy niya.
"Mababait naman halos ng taga rito sa San Ignacio, mapagkakatiwalaan mo ang tao rito," saad ng lola niya.
"Oo nga po," tugon naman niya. Totoo naman kasi iyon at si Troy ang patunay na mababait ang mga taga San Ignacio.
Matapos ku
