Habang patungo siya sa ospital para mag duty niya at binabaybay na ng driver na kasama niya ang highway patungo sa Alcantara Hospital, may namataan siyang sasakyan sa gilid ng kalsada. May babae rin na pumukaw sa kanyang atensyon. Nasa malayo pa ang sasakyan nila at nakikita niyang humihingi ng tulong ang babae sa mga dumadaan na sasakyan, pero wala ni isang huminto para tulungan ito.
Habang papalapit ang sasakyan nila unti-unti niyang nakikilala ang babae. At hindi siya maaaring magkamali. Dalawang linggo na ang lumipas nang magtungo siya sa Maynila para sa Alcantara Hotel branch nila roon. Hindi naman niya inaasahan na makikita niya roon si Tessa at maililigtas niyang muli ang dalaga sa kapahamakan.
Hindi rin niya inaasahan na susunod pala sa kanya si Lira sa Maynila at inabutan nito s
