Sa kanilang honeymoon ni Sebastian wala na siyang mahihiling pa. Namasyal sila sa lahat ng magagandang lugar sa Paris at pinamili siya ni Sebastian kahit ayaw naman niyang magpabili rito dahil malaki na rin ang gastos nito sa kanya. Iyon nga lang mapilit si Sebastian at ang gusto nito ay maibigay lahat sa kanya ang makita nitong babagay sa kanya.
Sa kanilang pagbabalik ng San Juan halos dumoble ang mga dala nilang gamit sa dami ng binili sa kanya ni Sebastian. Binilhan na rin niya ng pasalubong ang Mommy niya na kahit nasa honeymoon sila ni Sebastian hindi nito napigilang magparamdam sa kanya para sabihin na bilhan niya ito ng pasalubong. Ano pa nga ba ang aasahan niya sa Mommy niya.
Pagdating sa penthouse agad nang inakyat ni Sebastian ang mga gamit nila sa master bedroom para ayusin na
